កីឡាករ Daniel Sturridge បន្តកុងត្រារយៈពេលវែងជាមួយ Liverpool

កីឡាករឆ្នើមរបស់ Liverpool គឺកីឡាករ Daniel Sturridge បានសំរេចចិត្តបន្ត អនាគត ដ៏វែងឆ្ងាយជាមួយ Liverpool បន្ទាប់ពីចុះកុងត្រាថ្មីកាលពីថ្ងៃសុក្រកន្លងទៅ ។

កីឡាករជម្រើសជាតិ អង់គ្លេសរូបនេះត្រូវផ្ទេរពី Chelsea ទៅកាន់ទឹកដី Anfield របស់Liverpool  ក្នុងខែមករាឆ្នាំ២០១៣។ ចាប់តាំងពីផ្ទេរមកទឹកដី Anfield កីឡាកររូបនេះរកបាន ៣៦គ្រាប់ ក្នុងការបង្ហាញខ្លួន ៥២លើក ។

សូមបញ្ជាក់ដែរថា   បច្ចុប្បន្នកីឡាករ Daniel Sturridge នៅមិនទាន់ជាសះស្បើយពី របួសភ្លៅនៅឡើយទេ ។ ដូច្នេះ Sturridge នៅតែអវត្តមាន  នៅពេល Liverpool  ត្រូវតតាំង   និង ក្រុម West Bromwich Albion នៅសប្តាហ៍នេះដដែល ។

ប្រភព   : Soccerlen

អត្ថបទ : Mr Ball