នេះនែក! Lenovo Yoga Tablet 2 ដែលមានអេក្រង 13-inch ប្រើប្រាស់ Windows 8.1​ ស្អាតអត់?

កាលពីពេលថ្មីៗនេះក្រុមហ៊ុន Lenovo បានណែនាំនូវសមាជិកថ្មីនៃ Tablet ត្រកូល Yoga របស់ខ្លួន ដែលមានឈ្មោះ​ថា Lenovo Yoga Tablet 2 ។

Yoga Tablet 2 ត្រូវបានរចនាយ៉ាងស្រស់ស្អាត ទាក់ទាញក្រសែភ្នែក ឃើញហើយគួរឲ្យចង់ប្រើ​ប្រាស់ ​។ ក្រឡេកទៅមើលលក្ខណះសម្បត្តិរបស់វាវិញក៏មិនធម្មតាដែរ ដោយវាបានបំពាក់នូវអេក្រង់ ទំហំ 13-inch ប្រភេទ IPS ដែលអាចបង្ហាញរូបភាពក្នុងកំរិត 2560 x 1440 pixels ។ វាក៏បាន​បំពាក់មកជាមួយនូវកាមេរ៉ាខាងមុខទំហំ 1.6MP សំរាប់សំរូលដល់ការប្រើប្រាស់ Video Call និង ថតរូបផងដែរ។

Yoga Tablet 2 ប្រើប្រាស់ CPU ប្រភេទ Intel Atom Processor Z3745 ដែលមានល្បឿន 1.86GHz ជាងនេះទៅទៀតវាមាន RAM ទំហំ 4GB  និង Memory ទំហំ 64GB ដែលអាចដកដាក់តាមរយះរន្ធ Memory​ ​។ សំរាប់ការតភ្ជាប់ Yoga Tablet 2 ក៏បានបំពាក់នូវ Wi-Fi a/b/g/n, Bluetooth 4.0, microHDMI, និង microUSB ផងដែរ។

Yoga Tablet 2 នឹងចេញលក់នៅក្នុងទីផ្សារក្នងកំឡុងខែវិច្ឆិកា ខាងមួយជាមួយនឹងតម្លៃ $699 ដែល ភ្ជាប់មកជាស្រេចនូវ Keyboad ។

ប្រភព ៖ GSMArena
អត្ថបទដោយ ៖ Mr. Dee