Steven Gerrard អាចនឹងចុះកុងត្រាជាមួយក្លិប Inter Milan

បើយោងតាម Daily Mirror បានរាយការណ៍ថាខ្សែបម្រើរបស់ក្លិប Liverpool កីឡាករ Steven Gerrard បាននិយាយថារូបគាត់អាចនឹងចាកចេញពី Liverpool ទៅក្លិប​ Inter Milan នៅពេលទីផ្សារដោះដូរកីឡាករបើកនៅខែមករាខាងមុខ ។

កីឡាករ​វ័យ​៣៤​ឆ្នាំ​ដែល​ជិត​ចប់​កុងត្រា​ជាមួយ​ក្លិប​ Liverpool នៅ​ពេល​ឆាប់ៗ​ខាង​មុខ​នេះ ​ធ្លាប់​បាន​ចំណាយ​រយៈ​ពេល​យ៉ាងយូរ​នៅជាមួយ Liverpool ​ហើយ​ Liverpoolគឺជាក្លិបតែ​មួយ​គត់​ដែលគាត់ធ្លាប់​​លេងក្នុងអាជីពរបស់គាត់ ។ 

លោក Roberto Mancini ដែលទើបតែងតាំងជាគ្រូបង្វិកថ្មីរបស់ Inter Milan ជឿជាក់ថាគាត់និងអាចបញ្ចុះបញ្ចូលកីឡាករ Gerrard អោយចាកចេញពី Liverpool មកចូលរួមជាមួយនិងក្លិប Inter Milan វិញ។

ដោយឡែកកីឡាករមិត្តរួមក្រុមរបស់ Steven Gerrard គឺកីឡាករ Balotelli និង កីឡាករ Fabio Borini ក៏ត្រូវបានក្លិប Inter Milan ទាក់ទងដើម្បីផ្ទេរទោកាន់ទឹកដី San Siro របស់ខ្លួននៅខែមករាខាងមុខនេះដែរ ។

ប្រភព ៖fanatix

អត្ថបទ ៖ Mr Ball