ស្ងាត់ៗ Capcom បញ្ចេញ Trailer ហ្គេម Street Fighter V បង្អើលអ្នកគាំទ្រ

Street Fighter គឺជាប្រភេទហ្គេមបែបវាយប្រហា ដោយប្រើប្រាស់ក្បាច់គុណ និងថាមពលដ៏អស្ចារ្យដ៏ពេញនិយមមួយនៅក្នុងពិភពលោក ហើយហ្គេមមួយនេះចាប់ផ្តើមដំបូងនៅឆ្នាំ 1987 ដែលជាជំនាន់ទី1 ។ ពីមួយជំនាន់ ទៅមួយជំនាន់ Street Fighter កាន់តែអភិវឌ្ឍន៍ឥតឈប់ឈរ ពីរូបភាព 2D មកកាន់ 3D (នៅជំនាន់ Street Fighter IV) ។

កាលពីថ្មីៗនេះ ក្រុមហ៊ុន Capcom ដែលជាក្រុមហ៊ុនផលិតហ្គេមដ៏ល្បីនេះបានបញ្ចេញនូវ Trailer ហ្គេម Street Fighter ជំនាន់ថ្មីមួយទៀតដែលមានឈ្មោះថា Street Fighter V។ តាមរយះប្រភពព័ត៌មានផ្លូវការពីក្រុមហ៊ុនបានឲ្យដឹងថា Street Fighter V នឹងមានក្រាហ្វិកកាន់តែទាក់ទាញជាង Street Fighter IV ជាមួយនឹងតួអង្គបន្ថែមមួយចំនួនទៀតផងដែរ។

ប៉ុន្តែ ក្នុងដំណាក់កាលចេញដំបូងហ្គេមមួយនេះមានសំរាប់តែ ម៉ាស៊ីន PlayStation 4 (PS4) និង PC តែប៉ុន្នោះ។ សំរាប់កាលបរិច្ឆេទនៃការបញ្ចេញនូវហ្គេមមួយនេះសំរាប់ពិភពលោក ក្រុមហ៊ុននៅមានទាន់បញ្ជាក់នៅឡើយទេ មានតែរងចាំទាំងអស់គ្នា។