តើ Man Utd នៅតែអាចរកបីពិន្ទុបានទៀតអត់ពេលប៉ះ Stoke City ?

ការប្រកួតសប្តាហ៍ទី១៤នៅយប់នេះក្នុងក្របខណ្ឌ Premier League ក្លិប Man Utd និងបើកទ្វារទឹកដី Old Trafford ស្វាគមន៍ក្រុមភ្ញៀវ Stoke City ដែលការប្រកួតនេះចាប់ផ្តើមនៅម៉ោង ២:៤៥នាទី​រំលង​អធ្រាត​ ។

បច្ចុប្បន្នក្លិប Man Utd កំពុងឈរនៅលេខ៤ក្នុងតារាង  Premier League ហើយការប្រកួតកាលពីចុងសប្តាហ៍​កន្លង​ទៅ​ក្លិប Man Utd បានបំបាក់ក្លិប Hull City ដោយលទ្ធផល៣ទល់និង០ ។ ចំណែកក្លិប Stoke City ឯណោះវិញកំពុងឈរនៅលេខ១២ ដោយកាលពីប្រកួតកាលពីចុងសប្តាហ៍​ក្លិប​នេះ​បាន​បរាជ័យ​ដោយ​លទ្ធផល០ទល់១​ក្រោមថ្វីជើងក្លិប Liverpool ។

ក្នុងការប្រកួតនេះ Man Utd និងត្រូវអវត្តមានកីឡាករដ៍សំខាន់គឺកីឡាករ Angel Di Maria ដែលមាន​បញ្ហារបួសសរសៃពួរ ខណៈដែលកីឡាករ Phil Jone , Luke Shaw , Daley Blind នៅតែអវត្តមានដដែល ចំណែកកីឡាករ Waye Rooney សង្ឃឹមថាអាចលេងបានទោះជាមានបញ្ហារបួសជង្គង់តិច​តួច​ ។
កីឡាករដែលអាចជាប់ជាជម្រើស១១នាក់ដំបូង Man Utd មាន ៖ De Gea , Valencia , Smalling ,Rojo , Young ,Carrick , Fellaini , Herrera , Rooney , Van Persia , Falcao

រីឯ Stoke City  ឯណោះវិញក៏មានបញ្ហាកីឡាររបួសមួយចំនួនផងដែរ ដូចជា Steve Sidwell និង Victor Moses (មានបញ្ហារបួសភ្លៅ) កីឡាករ Roberto Huth (របួសកំភួនជើង) Peter Odemwingie (របួសជង្គង់ )

កីឡាករដែលអាចជាប់ជាជម្រើស១១នាក់ដំបូង Stoke មាន ៖ Begovic , Cameron , Shawcross , Wilson , Pieters , N’Zonzi , Walters , Bojan , Arnautovic , Diouf

ប្រភព ៖ Vavel
អត្ថបទ ៖ Mr Ball