Dortmund បន្ត​កាន់​កាប់​បាត​តារាង​ដដែល​

ក្លិប Borussia Dortmund ដែលជាក្លិបលេងក្នុង​ក្របខណ្ឌ Budesliga នៅរដូវកាលនេះពួកគេធ្វើមិនបាន​ល្អ​សោះ​ដោយ​​១២​ប្រកួត​កន្លង​ទៅ​ពួកគេ​មានតែ១១ពិន្ទុប៉ុនោះ​ ដោយ​ឈ្នះ៣ប្រកួត​ ស្មើ២និងចាញ់​រហួតដល់ទៅ៧ប្រកួតឯណោះ ។

ហើយក្នុងការប្រកួតសប្តាហ៍ទី១៣ កាលពីយប់មិញនេះពួកគេបានបរាជ័យជាបន្តដោយបានប្រកួតចាញ់​ដោយ​លទ្ធផល ០ទល់នឹង២ ពេលប៉ះ Frankfurt ។   ដោយ​២គ្រាប់របស់​ Frankfurt​ រក​បាន​ដោយ​កីឡាករ​ Alexander Meier (នាទីទី៥) ​និងមួយគ្រាប់ទៀតរកបានដោយកីឡាករ Haris Seferovic (នាទីទី៧៨) ។

ក្រោយបរាជ័យនេះធ្វើអោយក្លិបមួយនេះមិនអាចក្រោករួចពីបាតតារាងបានឡើយ ហើយកំពុងចាញ់​ក្លិប​កំពូល​តារាង​ Bayern Munich រហួតដល់ទៅ២២ ពិន្ទុ ។

អត្ថបទ ៖ Mr Ball