គ្រាន់តែគេងសោះស្អាតដែរ!!!

ការបរិភោគបន្លែ ផ្លែឈើ​ជា​រៀង​រាល់​ថ្ងៃ​បាន​ជួយ​ឲ្យ​សុខភាព​ល្អ​និង​សម្រស់​ស្រស់​ស្អាត​​បែប​​ធម្ម​ជាតិ​​​ផង​ដែរ​។​ តែ​អ្វី​ដែល​មិន​អាច​ខ្វះ​បាន​បន្ទាប់​ពី​ការ​បរិភោគ​នោះ​គឺ​ការ​​គេង​គ្រប់គ្រាន់​​ក៏​បាន​​ដើរ​​តួ​​យ៉ាង​សំខាន់​ដែរ​ចំពោះ​ការ​ថែរក្សា​ សម្រស់​ និងសុខភាព​របស់​យើង​ឲ្យ​កាន់​តែ​ល្អ​។

ព្រោះការ​គេង​​​បាន​គ្រប់គ្រាន់នេះ និងជួយឲ្យស្បែកនៃរាងកាយ និង ទាំងស្បែកមុខយើង  ភ្លឺរលោងស្រស់​ស្រាយជានិច្ច។ការគេងមិនគ្រប់គ្រាន់ ការអត់ងងុយ ឬមិនបានគេងត្រឹមតែ​១យប់ប៉ុណ្ណោះ​បាន​បង្ហាញ​​ផលប៉ះពាល់ឲ្យឃើញច្បាស់ថា ស្បែកមុខមានស្នាមជ្រីវជ្រូញ ស្លេកស្លាំង និងខ្វះ​សំនើម​ ។ ​ហើយប្រសិនបើនៅបន្តអត់ងងុយបន្តទៀតនឹងផ្តល់ផលមិនល្អឲ្យ កែវភ្នែកព្រិលមិនស្រស់ថ្លា ស្បែកនៃរាងកាយ ​ស្រអាប់មិនស្រស់ថ្លា និងស្លេកស្លាងផង។ ប៉ុន្តែ បើអ្នកបានគេង​គ្រប់គ្រាន់វិញ​នោះស្បែករបស់អ្នកនិងស្រស់ថ្លា តឹងណែន រលើបរលោង ផូរផង់ និងគ្មានស្នាមជ្រួញនោះទេ។ដូច្នេះ​អ្នកគួរចងចាំថា បើអ្នកបានគេង ៦ម៉ោងក្នុង១ថ្ងៃនោះ ចាត់ទុកថាល្អដែរ តែនូវមិនទាន់​គ្រប់គ្រាន់នោះទេ ។

ដើម្បីទទួលបាននូវសម្រស់ និង សុខភាពល្អនោះអ្នកគប្បីតែគេង ឲ្យស្កប់​ស្កល់​ឲ្យបាន៨ម៉ោងក្នុងមួយថ្ងៃ។ ហើយសម្រាប់ការគេងលើស៨ម៉ោងក្នុងមួយថ្ងៃ ក៏មិនល្អដែរ ព្រោះអុកស៊ីសែនត្រូវបានខ្វះខាតសម្រាប់ចិញ្ចឹមស្បែកស្រស់និងអាចបណ្តាលឲ្យមាន ការឈឺក្បាល​ ងងឹតមុខផងដែរ ៕

ប្រែសម្រួល ៖ Samrach