យប់មិញ Manchester United និង Liverpool សុទ្ធតែទទួលបានបីពិន្ទុបន្ថែម

ការប្រកួតកាលពីយប់មិញក្លិប Manchester United បានយកឈ្នះដោយលទ្ធផល២ទល់នឹង១ទៅលើក្រុម Stoke City ។

ដោយ២គ្រាប់របស់ Man Utd រកបានដោយកីឡាករ Marouane Ferllaini នៅនាទីទី២១ និងកីឡាករ Juan Mata នៅនាទីទី៥៩ ចំណែកមួយគ្រាប់របស់ Stoke City រកបានដោយកីឡាករ Steven Nzonzi នៅនាទីទី៣៩ ។

ដោយឡែកក្លិប Liverpool ឯណោះវិញក៏ទទួលបានជ័យជំនះផងដែរ ដោយបានយកឈ្នះដោយលទ្ធផល ៣ទល់នឹង១លើក្លិប Leicester City ។

គ្រាប់បាល់៣គ្រាប់របស់ Liverpool រកបានដោយកីឡាករ Adam Lallana នៅនាទីទី២៦ កីឡាករ Steven Gerrard នៅនាទីទី៥៤ និងកីឡាករ Jordan Henderson នៅនាទីទី៨៣ ដោយឡែកមួយគ្រាប់ របស់ Leicester City ឯណោះវិញគឺបានដោយការធ្វើអោយចូលទីខ្លួនឯងរបស់អ្នកចាំទីរបស់ Liverpool គឺកីឡាករ Simon Mignolet នៅនាទីទី២១ ។