ក្លិប Real Madrid ​បន្ត​ជ័យ​ជំនះ​២០​ប្រកួត​ជាប់​គ្នា

យប់​មិញ​ក្លិប​ Real Madrid​ បាន​យក​ឈ្នះ​ដោយ​លទ្ធផល​ ៤ទល់នឹង១​ លើក្លិប Almeria​ ។ ដោយ​ការ​បន្ត​យក​ឈ្នះ​មួយ​ប្រកួត​នេះ​ធ្វើ​អោយ​ក្លិប​ Real Madrid ​សាង​កំណត់​ត្រា​ថ្មី​គឺ​ឈ្នះ២០​ប្រកួត​ជាប់​គ្នា​ ។

ដោយ​៤​គ្រាប់​របស់​ Real Madrid​ យប់មិញ​រក​បាន​ដោយ​កីឡាករ​ Isco​ (នាទីទី៣៤) កីឡាករ​ Gareth Bale (នៅនាទី៤២) ចំណែក​កីឡាករ​ Ronaldo រក​បាន​២​គ្រាប់​ម្នាក់ឯង​ (នៅនាទី៨១និង៨៩) ដោយ​ឡែក​ក្លិប​ Almeria​ ក៏​រក​បាន​មួយ​គ្រាប់​ផង​ដែរ​ដោយកីឡាករVerza គឺ (នៅនាទី៣៩)។

ក្រោយ​ជ័យ​ជំនះ​នេះ​ធ្វើ​អោយ​ Real Madrid​ បន្ត​កាន់​កាប់​កំពូល​តារាង​ La Liga​ ខណៈ​កីឡាករ ​Ronaldo​ បន្ត​ឈរ​ជា​កីឡាករ​ស៊ុត​បញ្ចូលទី​ច្រើន​ជាងគេ​គិត​ត្រឹម​សប្តាហ៍​ទី១៥​នេះ​ ដោយ​បូក​២​គ្រាប់​យប់​មិញ​ធ្វើ​អោយ​គ្រាប់​បាល់​របស់​គេ​កើន​ដល់​ ២៥​គ្រាប់​ហើយ​ ។

អត្ដបទ ៖ Mr Ball