តើអ្នកធ្លាប់ដឹងពីការដាំដុះដំណាំស្ពៃបែបធម្មជាតិទេ?

ថ្ងៃនេះខ្ញុំសូមបង្ហាញពីរបៀបនៃការដាំដំណាំស្ពៃបែបធម្មជាតិសម្រាប់បរិភោគនិងលក់ ដែលចំណាយតិច ចំនេញច្រើនលើសុខភាពនិងជួយសំចៃថិវិកាផង។

-ការរៀបចំដី
ក្នុងការរៀបចំដីសំរាប់ ដាំស្ពៃ យើងត្រូវធ្វើការភ្ជួររាស់ដី ឬ កាប់ដីហើយវាយដីនោះឱ្យបានម៉ដ្ឋល្អនិង រើសស្មៅចេញឲ្យបានស្អាត ហើយពង្រាបដីឲ្យរាបស្មើ រួចដាក់ជីធម្មជាតិទ្រាប់ដី។ បន្ទាប់មក យើងអាចសាបគ្រាប់ពូជសិនចាំយកទៅដាំក្នុងរងក៏បានឬលើកជារងរួចដាក់គ្រាប់ដាំក៏បាន។ការលើករងយើងអាចលើកដោយមានទទឹងពី១ ទៅ១,២ម៉ែត្រ កំពស់២តឹក បណ្តោយទៅតាមទំហំដីដែលត្រូវដាំនិងចន្លោះពីរងមួយទៅមួយ កន្លះម៉ែត្រ ។ បន្ទាប់មកទៀតយកគ្រាប់លាយជាមួយផេះ ដើម្បីសាបឬដាំឱ្យបានស្មើល្អ ។ ក្រោយពីសាបឬដាំគ្រាប់រួចហើយ យើងយកចំបើងគ្របពីលើ ដើម្បីការពារសត្វល្អិតចង្រៃ ជំងឺផ្សេងៗនិងជួយរក្សាសំណើមផងដែរ ។ ហើយត្រូវស្រោចទឹក២ដងមួយថ្ងៃ ព្រឹក និងល្ងាច។ ក្រោយពីសាបឬដាំគ្រាប់បានមួយសប្តាហ៍ហើយយើងដកចំបើងចេញវិញ នៅពេលដែលស្ពៃដុះបានរយៈពេលពី១៥ទៅ២០ថ្ងៃ យើងធ្វើការដករំលោះកូនស្ពៃ ដែលមិនសូវល្អចេញ ទុកតែកូនស្ពៃណាដែលថ្លោសល្អ ហើយរក្សាចំងាយពីដើមមួយ ទៅមួយទៀតប្រវែង២តឹក ។
-ការថែទាំ
ក្នុងការថែទាំ យើងនៅតែបន្តការស្រោចទឹក២ដងមួយថ្ងៃដដែល រហូតដល់ស្ពៃធំ យើងអាចស្រោចត្រឹមមួយដងក្នុងមួយថ្ងៃ។ បន្ទាប់ពីការដករំលោះកូនស្ពៃរួចមក យើងត្រូវដកស្មៅជ្រុុំគល់ និងដាក់ជីធម្មជាតិបំប៉នបន្ថែមលើដំណាំបន្ថែមជួយដល់ការលូត
លាស់របស់វា។ហើយត្រូវាឧស្សាហ័ក្នុងការពិនិត្យចាប់ដង្កូវ និងដកដើមដែលមានជំងឺចោល៕